Содржината на програмата за обука вклучува детален преглед на актулените познавања за системите за користење на енергија од обновливи извори на енергија, со опфаќање на актуелните материјали и техники за нивно инкорпорирање, монтирање и инсталирање, основи на проектирањето, планирање на правилно инсталирање и одржување на Фотоволтаични системи, елементи од теоретски основи на процесите, карактеристики на компонентите и на системите и нивно димензионирање, како и еколошките аспекти, а обезбедува и соодветно запознавање со европските стандарди, техниките за мерење на енергетските заштеди, како и постапки за заштита при работа.
Како резултат на програмата ќе се јават квалификувани инсталатери за монтирање и инсталирање на системи за енергија од обновливи извори на енергија поконкретно Фотоволтаични системи, со солидни вештини, знаења и способности потребни за новите занимања и познавање на работните процеси на оперативно ниво.
Програмата се состои од 6 модуларни единици кои овозможуваат запознавање со сите неопходни знаења и вештини за наведеното занимање.
Програмата за обука е со вкупно времетраење од 80 часа, од кои 28 часови се теоретска настава (35%), 48 часа се практична настава (60%) и 4 часа се предвидени за проверка на знаењето (5%).
Верификацијата истекува во март 15, 2025
