Примарната цел на програмата „Шминкер“ е насочена кон професионално оспособување на учесникот во областа на козметичките услуги за шминкање и разубавување на професионално ниво. Со помош на програмата, преку теоретска и практична настава во козметички салон, како и во предавални, учесникот ќе се запознае со организацијата на работа во козметичките салони, со работниот простор, опремата и инвентарот. Ќе се применува стручна терминологија и учесниците ќе бидат запознаени со работните задачи, со правилата за безбедност и заштита при работа и здравје.
Теоретскиот дел ќе биде реализиран од наставен кадар, согласно нормативот за наставен кадар за стручно образование, додека практичниот дел ќе биде рализиран од професионален шминкер. Проверката на учесникот се изведува во текот на целата обука, како и на крај од обуката во завршен испит.
Обуката се одвива со времетраење од 150 часа, од кои теоретска настава 35 часа, а практична настава 115 часа. Од вкупниот број на часови 15 часа се предвидени за проверка на знаењето. На крај од обуката учесникот ќе се стекне со сертификат „Шминкер“
Верификацијата истекува во февруари 2, 2026
