Програмата за Масер – класична масажа им овозможува на учесниците преку теоретска и практична настава да се оспособат да го организираат просторот и работата во салонот за масажа, да разликуваат локомоторен апарат (апарат за движење, коски, мускули, зглобови), што е масажа, кои движења се применуваат во масажата, какви видови масажа постојат, индикации и контраиндикации за масажа, да комуницираат со клиенти и соработници.
Времетраењето на програмата е 210 часа, од кои теорија 50 часа и пракса 160 часа. Теоретскиот дел на наставата ќе се реализира во училница, кабинет опремен според соодветни технички услови, а практичниот дел во салон за масажа.
Во реализација на програмата ќе се применуваат современи наставни методи, кои ќе му овозможат на кандидатот континуирана активност за целокупното траење на обуката. Оценувањето на постигањата на кандидатите ќе се врши преку следење и вреднување на знаењата и умеењата во текот на целата обука и тоа усно и писмено, практична работа и завршен испит.
Учесниците кои со успех ќе го положат завршниот испит се стекнуваат со Сертификат за Масер по верифицирана програма. Програмата нуди можност за напредување на повисоко ниво.ки
Верификацијата истекува во мај 9, 2025
