| Главна цел на програмата „Негувател/ка на стари и немоќни лица“ да овозможи работно оспособување на учесникот да се стекне со знаења, вештини и компетенции за самостојно да дава помош и нега на лица кои поради возраст, хронични болести, попреченост имаат потреба за помош.
Теоретската настава се одвива во училници или кабинети, а практичната обука ќе се изведува во домови за сместување на стари лица или други установи и институции реални услови. Програмата се состои од 6 модули преку кои учесникот ќе се стекне со знаења, вештини и компетенции за да: подготви и организира работно место за негувател во домот, помага и дава поддршка во извршување на дневните активности на старите лица, применува основни здравствени правила и процедури кај старите лица, помага во остварување на социјалните права на старите и немоќни лица, помага при одржување на хигиена во домот. Проверување на постигањата на учесниците во програмата ќе се реализира преку завршен испит. Завршниот испитот, исто така се состои од теоретски и практичен дел. Практичниот дел од испитот подразбира проверка на стекнатите знаења на соодветна локација. По успешно положениот завршен испит учесникот ќе се стекне со сертификат – Негувател/ка на стари и немоќни лица Времетраењето на програмата е 215 часа од кои 75 часа се теорија, 140 часа припаѓаат на практична обука. |
Верификацијата истекува во април 17, 2027
