Главна цел на програмата е учесникот да се стекне со знаења, вештини и компетенции од областа на работењето во приватното сместување, како и правилно користење на средства за работа, опремата, намирници и инвентар. Операторот за приватно сместување извршува работни активности во сместувачките објекти поврзани со прием, сместување, послужување и испраќање гости.
Начинот на реализација на програмата е преку теоретска настава и практична обука, а преку усна и писмена проверка, практична изведба и изработено портфолио води кон стекнување на сертификат за оператор за приватно сместување.
Времетраењето на програмата е 80 часа од кои 24 часа се стручна теорија, 48 часа се практична обука во реални работни услови и 8 часа се наменети за оценување. Програмата ќе се изведува неколку пати неделно во договор со учесниците на програмата.
