Програмата Маникир и педикир има за цел обука на возрасни лица за стекнување на знаења и вештини за занимање од областа на негата и одржување на кожа на раце и нокти и одржување на кожа на стапалата и нокти.
Основа за изработка на програмата е стандард на занимање Естетичар за нега на раце и нозе.
Реализацијата на програмата е преку теоретски часови, практична обука и проверка на знаењата и вештините на учесниците. Теоретскиот дел се реализира во соодветно опремена училница/кабинет, а практичната обука се реализира во козметички салон опремен според барањата на стандардите за вршење на дејноста.
Оценување и вреднување на постигањата на секој учесник во програмата ќе се изведува тековно и на завршен испит.
Учесникот кој со успех ќе го положи завршниот испит ќе се здобие со сертификат за работна оспособеност “ Mаникир и педикир”.
Учесникот ќе биде оспособен самостојно да ги врши професионалните задачи и да применува прописи за водење на дејноста маникир и педикир како и да ги почитува правилата за безбедност и заштита на работната и на животната средина. Ќе биде оспособен за деловно да комуницира со клиенти и други соработници и да ја почитува работната етика и морал. Учесникот ќе биде оспособен за самостојно да ги организира работниот простор и сопствената работа, да подготвува клиент за маникир-педикир тетмани, да советува клиенти при избор на третман и да изведува маникир-педикир постапки. Ќе биде оспособен да изведува надградба на нокти и декорирање на нокти на раце и нозе со разни техники на лакирање и украсување.
Учесникот ќе биде способен да води евиденција и подготвува пресметка за работата, да ги познава правата од работен однос и можностите за водење на сопствен бизнис за напредување во професијата.
Програмата Маникир и педикир нуди можност за напредување на учесникот во други обуки или повисоки нивои на квалификации од областа на козметиката.
Времетраењето на програмата е 250 часа од кои 66 часа се стручна теорија, а 184 часа се практична обука во реални работни услови. Термините во кои ќе се реализира програмата се договараат со учесниците.
Верификацијата истекува во септември 2, 2027
