Центарот за образование на возрасните, како национален координатор за имплементација на Европската агенда за образование на возрасните, доби грант од Европската извршна агенција за образование и култура – EUROPEAN EDUCATION AND CULTURE EXECUTIVE AGENCY (EACEA) за реализација на проектот „Implementing priorities for the European Agenda for Adult Learning – National Coordinators for the implementation of the Agenda“.
Целта на овој проект е да одговори на тековните предизвици во областа на образованието на возрасните, како што се ниската свест и учество во образование на возрасните и доживотното учење, придонес кон забрзување на тековните процеси за исполнување на националните стратешки цели во образованието на возрасните, зајакнување на општата коррдинација меѓу релевантните актери и чинители во градењето синергија за заедничко дејствување, а во согласност со приоритетите дефинирани во Европската агенда за учење на возрасните.
Мерките креирани во рамките на овој проект, се насочени кон исполнување на следниве цели:
- Зголемување на учеството на возрасни во образование на возрасни и доживотно учење преку унапредување на рамковните услови и создавање овозможувачка средина
- Развој на пазарот на труд преку ефикасна примена на иновативни стратегии поврзани со вештини и
- Промоција на европската димензија на образованието на возрасните.
Клучните активности ќе доведат до следниве резултати:
- изработка на нова Стратегија за образование на возрасните;
- дигитализација на процесот на верификација на посебни програми за образование на возрасните;
- обука на наставници и обучувачи кои изведуваат настава според верификувани програми за образование на возрасните;
- јакнење на капацитетите на новоформираните Регионални центри за стручно образование и обука (РЦСОО);
- промоција на Европската година на вештини и на Пактот за вештини на национално ниво.
Проектот е двегодишен и ќе се реализира во периодот 01.01.2024 до 31.12.2025.
Funded by the European Union. Views and opinions expressed are however those of the author(s) only and do not necessarily reflect those of the European Union or EACEA.
Neither the European Union nor EACEA can be held responsible for them.
