| Програмата „Изработувач на кондиторски и пекарски производи“ се состои од 8 модули во кои се обработуваат сите теми од производството на кондиторски, пекарски и слаткарски производи. Програмата се состои од теориска настава и праткични вежби, кои се изведуваат од високо образуван стручен кадар со соодветно искуство во областа на производството на кондиторски, пекарски и слаткарски производи. Теориската настава која се изведува во соодветно опремена училница, трае 32 часа, односно по 4 часа за секој модул, додека практичната настава трае 128 часа и се одвива во пилот постројка и/или производен погон и лабораторија која ја поседува потребната соодветна опрема за изведување на практичните вежби како и запознавање со соодветната опрема за проиводство на кондиторски, пекарски и слаткарски производи.
Осумте модули кои ги опфаќа оваа програма ги покриваат следниве тематски поглавја: – Организирање на работата во кондиторска и пекарска индустрија – Производство на пекарски производи – Производство на тестени шеќерни производи – Производство на чоколадни и какао крем производи – Производство на бонбони, пенести производи, локум и алва – Производство на слаткарски производи – Пакување и управување со опрема – Контрола на квалитет на кондиторски производи Програмaта „Изработувач на кондиторски и пекарски производи“ користи различни критериуми и инструменти на оценување кои имаат за цел утврдување на совладаниот материјал. |
Верификацијата истекува во февруари 23, 2027
