РЕПУБЛИКА СЕВЕРНА МАКЕДОНИЈА
Врз основа на Оперативниот план за активни програми и мерки за вработување и услуги на пазарот на трудот за 2025 година, усвоен од Владата на Република Северна Македонија за мерката 3.2 Обуки за побарувани занимања на пазарот на трудот, ЈУ Центар за образование на возрасните – Скопје, на ден 29.08.2025 година распишува
ЈАВЕН ОГЛАС
до верификувани спроведувачи на обука
ЈУ Центар за образование на возрасните – Скопје распишува јавен оглас за избор на верификувани спроведувачи на обука за образование на возрасни за реализација на мерката Обука за побарувани занимања, во рамки на Оперативниот план за активни програми и мерки за вработување и услуги на пазарот на трудот за 2025 година. На Јавниот оглас може да се пријават верификувани спроведувачи на обуки кои ќе ги реализираат следниве програми по градови:
– Готвач-Скопје, Струга, Тетово, Гостивар
– Шивач- Скопје, Штип
-Личен асистент на лица со оштетен вид- Скопје
– Негувател/ка за самостојно живеење на лица со попреченост- Скопје
– Инструктор по фитнес- Скопје
– Надградба на трепки – Скопје
– Ракувач со вилушкар- Неготино
-Негувател/ка за стари и немоќни лица-Тетово
– Асистент за нега на лица со Алхцајмерова болест-Битола
– Фризер- Куманово, Струмица
– Заварувач co рачно електролично и пламенско заварување – Штип
– Шминкер-Тетово, Штип
-Mонтер на соларни топловодни системи– Тетово
-Негувател/ка на деца- Тетово, Штип
-Козметичар за нега на лице и тело- Битола
– Пекар – Скопје
– Дизајнер на облека-Велес
-Аргон заварувач- Велес
-Службеник во сметководство- Штип
-Изработувач на пица- Скопје, Гостивар
-Производител на млечни производи- Куманово
-Дигитален маркетер- Скопје, Битола
-Пожарникар- Битола
Заинтересираните верификувани спроведувачи треба да ги исполнуваат следните услови:
- да имаат решение за верификација на посебна програма за образование на возрасните издадено од ЈУ Центар за образование на возрасните – Скопје;
- да имаат решение за верификација на установа/институција за образование на возрасните издадено од Министерство за образование и наука,
Заинтересираните верификувани спроведувачи треба да достават потребна документација:
- Пријавата за учество во мерката – објавена на интернет страната на ЈУ Центар за образование на возрасните (https://bit.ly/цов-пријава)
- Документ за регистрирано дејност – образование на возрасни;
- Потврда/изјава за располагање со стручен кадар кој ќе ја спроведува програмата;
- Решение за верификација на посебна програма за образование на возрасните издадено од страна на ЈУ Центар за образование на возрасните – Скопје;
- Решение за верификација на установа/институција за образование на возрасните издадено од страна на Министерство за образование и наука, до започнување на обуката.
Заинтересираните верификувани спроведувачи кои ќе бидат селектирани за изведување на обука ќе добијат 30.000,00 денари паричен надомест по обучено лице. Средствата потребни за реализирање на мерката Обука за побарувани занимања е финансирана од Буџетот на Агенција за вработување на Република Северна Македонија.
Потребната документација се доставува најдоцна до 12.09.2025 година до архивата на:
ЈУ Центар за образование на возрасните – Скопје
ул. Димитрие Чуповски бр. 13
1000 Скопје
Некомплетните и ненавремено доставени докумети нема да бидат земени во постапка за одлучување.
ЈУ Центар за образование на возрасните – Скопје
