Промоција на прирачници за понудувачи на услуги на образование на возрасни

Денес во 28.12.2011 во просторите на Министерство за образование и наука се одржa прес-конференција за промоција на две прирачници:Прирачник за верификација на посебните програми за образование на возрасни и Прирачник за лиценцирање на установи и институции за образование на возрасни.На прес-конференција учествуваа министeрот за образование и наука, г-дин Панче Кралев,директорката на ЈУ Центар за образование на возрасните,г-ца Љиндита Ќазими и претставник на УНДП,г-ѓа Снежана Мирчевска Дамјановска.

Целта на овие прирачници е да им ги доближи и објасни процесите на верификација на програми и лиценцирање на установи и институции на провајдерите за образование на возрасните.Во првата фаза на верификација ќе се верифицираат само посебни програми за образование на возрасни кои водат кон квалификации, а во втората фаза ќе бидат опфатени и посебни програми за образование на возрасни кои водат кон одредени компетенции. Посебни програми се програми за неформално образование за стекнување на знаења, вештини и компетенции.

Прирачникот за верификација на посебните програми за образование на возрасни, Моделот на посебна програма за образование на возрасни, Барањето за верификација, како и другите документи за верификација на посебните програми за образование на возрасни ќе можат да се најдат на официјалната интернет страница на Центарот:www.cov.gov.mk. Сите дополнителни прашања ќе може да се испратат на mail адресата: contact@cov.gov.mk.

Monday November 5th, 2018
Copyright © 2016 Adult Education Centre. This project has been funded with support from European Commission. This web site reflects the views only of the author, and the Commission cannot be held responsible for any use which may be made of the information contained therein.
top
© 2018 Developed by Unet
Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support