Setup Menus in Admin Panel

ДЕНОВИ НА ДОЖИВОТНО УЧЕЊЕ Кичево, 13.10.2016

Во рамки на овогодинешната манифестација Денови на доживотно учење на 13-ти октомври во Кичево се одржа трибина на тема: „Можностите за образование на возрасни – Доживотното учење во општеството“. Организатор на овој настан беше Центарот за развој на заедницата од Кичево со финансиска поддршка од DVV Intеrnational од Бон, СР Германија. Целта на трибината беше запознавање со можностите за доживотно учење во општина Кичево, запознавање со улогата и придонесот на институциите, надлежни за имплементација на политиките за градење и развој на системот за образование на возрасни во нашата земја.
Значајно беше присуството на Министерот за образование и наука, г-дин Пиштар Љутфиу, како покровител на кампањата. Во неговото обраќање тој истакна дека Владата се стреми кон јакнење на системот за образование на возрасни и развивање на национална стратегија за доживотно учење.
Како дел од оваа трибина Јавната установа Центар за образование на возрасните ја презентираа нивната улога и надлежностите, како и процесот на верификација на програми и институции за образование на возрасни.
Центарот за доживотно учење на присутните ја презентираше улогата во развојот на образованието на возрасните во Република Македонија и промоцијата на доживотното учење.
Присутните од општина Кичево имаа можност да добијат јасна слика за состојбата на образовната политика со акцент на доживотното учење. Оттаму се разви голема дискусија, со размена на информации и интеракција помеѓу присутните и надлежните институции за образование на возрасни.
Овој настан предизвика голем интерес кај пошироката јавност и медиумите.
Thursday November 1st, 2018
Copyright © 2016 Adult Education Centre. This project has been funded with support from European Commission. This web site reflects the views only of the author, and the Commission cannot be held responsible for any use which may be made of the information contained therein.
top
© 2018 Developed by Unet
Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support