| Главна цел на програмата е кандидатот се обучи за монтажа, но и за одржување на соларни системи кој истиот ги монтирал или некој друг. Самата програма е изработена според барањата на фирмите од овој сектор. Тие беа директно вклучени во нејзино креирање. Во програмате се опфатени и воздушните и хибридните колектори како новина во овој сектор. Истата ќе овозможи монтажерот да добие доволно практично и теоретско знање за најновата соларна техника. Програмата се состои од неколку области :
1. Основи на електротехника и електротехнички материјали. 2. Соларни термални и фотонапонски системи. 3. Техники на монтажа и заштита при работа. 4. Избор, монтажа и одржување на соларни термални системи 5. Избор, монтажа и одржување на фотонапонски системи. По завршувањето на обуката следи полагање на завршен испит преку кој ќе се проверат стекнатите вештини. Доколку кандидатот успешно го положил завршниот испит, тој ќе добие сертификат „Монтажер и сервисер на соларни термални и фотонапонски системи“. Кандидатот, во иднина, може да дополнително да полага и испит за “лиценциран монтажер” пред комисија од министерство за Економија на РМ. Времетраењето на програмата е 280 часа. За теоретска обука се планирани 84, а 168 часа се практична обука во реални работни услови. Остатокот од 28 часа се наменети за оценување. Теоретската обука ќе се реализира во училница, а практичната обука се одвива преку вежби и задачи на терен или во простории наменети за реализација на обуката. |
