Целта на програмата е учесникот да се стекне со основни знаења, вештини и компетенции за примена на основните практики и техники за пчеларско производство на одржлив начин.
Како резултат на програмата, учесникот ќе биде оспособен за: подигање на пчеларник на соодветна локација; препознавање на болестите кај пчелите и примена на биотехнички методи за заштита од болести и справување со болестите; размножување на пчелите; хранење и зазимување на пчелните семејства; собирање, складирање и пакување на пчелните производи; примена на стандарди и контрола на производството; правилно користење на машините, опремата и алатот на работното место и заштита на здравјето и животната средина.
Програмата има модуларен карактер, и се состои од 5 различни модули со вкупно 150 часа. Секоj модул се состои од стручно теоретски содржини, практична обука и оценување на теоретското и практичното знаење.
Стручно теоретските содржини се реализираат во Јазичен центар Амичи – Кочани во училница опремена според правилникот за стандардите за простор и опрема, со потребни нагледни средства, прибор и опрема за пчеларство. Практичната обука ќе се реализира на пчеларникот на Меден Исток – Брана Градче, Кочани и на други локални пчеларници.
Во текот на програмата, се спроведуватдве проверки континуирана проверка на стекнатите знаења, вештини и компетенции по пат на дискусии, вежби и тестови.
По завршувањето на Програмата се полага завршен испит со цел да се проверат стекнатите знаења, вештини и компетенции. По успешно завршената проверка, учесниците се стекнуваат со сертификат за работна оспособеност „Пчелар за основно пчеларство на одржлив начин“.
Верификацијата истекува во февруари 23, 2025
