Главна цел на програмата е учесниците да се стекнат со знаења и вештини од областа на програмирање во C++.
На почеток ќе се разгледа структурното програмирање, за да во вториот дел се помине на објектно програмирање во C++.
Се започнува со изработка на наједноставни програми, за да до крај на курсот се прават посложени програми.
Целокупната обука ќе се одвива во училници опремени со компјутери на кои има инсталирано некој од програмските едитори за пишување на програми во C++.
Ќе се изработат голем број практични програми кои се осмислени специјално за потребите на програмата.
Програмата се реализира преку теоретска и практична настава при што акцентот е ставен на практичната обука.
Времетраење на програмата е 104 часа: 48 часа се посветени на теоретска настава, 48 часа се практична обука, а 8 часа се посветени на оценување.
Оценувањето и вреднувањето на постигнатиот успех на учесникот при неговото следење на програмата се спроведува преку проверка на знаење – писмено (на теоретскиот дел) и изработка на програми директно на компјутер (на практичниот дел).
На крајот од обуката се спроведува завршен испит – кој исто така има писмен (теоретски) и практичен дел и преку него се проверува комплетно стекнатото знаење и вештина на кандидатот.
По завршувања на програмата и положениот завршен испит, учесниците се стекнуваат со сертификат „ПРОГРАМЕР ВО C++“.
