Студиска посета во Бонн

Во ноември 2015 година Центарот за образование на возрасни започна со спроведување на Еразмус + проектот за развој на политиките за поддршка во образованието за возрасни. Овој проект е дел од националната имплементација на Агенда план за европско образование на возрасни. Како резултат на овој проект ќе се развие база на податоци која ќе овозможи следење на образованието на возрасните во Република Македонија .

Во рамките на проектот  една од активностите за спроведување на проектот  беше  студиска посета се со цел да се анализираат најдобрите пракси од земјите на ЕУ.

Вработените на  Центарот за образование на возрасни, исто така ангажирани во спроведувањето на проектот реализираа студиска посета на 05-07.09.2016  во Бон, Р. Германија, односно во Германскиот Институт за образование на возрасните, каде што беа дочекани од директорката на Институтот г-а. Бетина Прогер,а за работата на институтот држеа презентации  г-а. Амбос Ингрид и г-а. Елизабет Реичарт, исто така, г-дин Горан Јорданоски кој презентираше за ProfilPASS инструментот кој се користи од страна на консултанти за професионална ориентација, исто така одговорија на прашањата на преставниците на ЦОВ околу реализација на проектот.

eu-logo1

НИКОГАШ НЕ Е ДОЦНА: ВОЗРАСНИТЕ СО НОВИ МОЖНОСТИ ЗА ОБРАЗОВАНИЕ

Скопје, 27 мај 2016: Претставниците на ресорните министерства, невладиниот сектор и академската јавност учествуваа на втората експертска средба за операционализација на Концепцијата за основно образование на возрасни. Дискусиите околу предлог програмите и тестовите се со цел  да се помогне на возрасните на кои што им е потребно да се стекнат со нови компетенции за полесно да дојдат до работа и полесно да се вклучат во општестввените текови.

„Потребата за нов пристап во основно образование на возрасни произлегува од неподготвеноста на голем дел од популацијата да се вклучи во тековите на современото општествено живеење. Во изминатиот период, сите релевантни чинители работеа на создавање на неколку стратегиски и концепциски документи.Сето тоа допринесува Република Македонија да биде издвоена како пионер во регионот во модернизирање и осовремување на моделите за образование на возрасни”. – истакнува Линдита Ќазими , Директор на Центарот за образование на возрасни.

Потребата и неопходноста за модернизирање на моделите за вклучување на возрасните во образовниот процес произлезе од ниското ниво на образование кај вкупното население и  неможноста за активно вклучување во современите општествени текови. Според последните достапни официјални податоци, вкупно 18% од населението над 15-годишна возраст е без завршено основно образование. Показателите покажуваат, заради традиционалниот животен стил, жените, Ромите, лицата со попреченост и другите ранливи категории помалку го остваруваат ова основно право. Неопходно е да им се помогне да го завршат основното образование за да им се овозможи активно вклучување во социо-економскиот живот на земјата.

„Правото на учење е едно од основите универзални права на секој поединец”, изјави Постојаниот претставник на УНДП, Луиза Винтон. „Општеството може да биде вистински конкурентно само во услови кога им овозможува на сите да се стекнат, создаваат и применуваат знeање. УНДП е целосно посветено на обезбедување на инклузивно квалитетно образование кое е подеднакво достапно за сите, како и да промовира доживотни можности за учење за сите”.

Студиска посета во Словенија

Вработените  на ЈУ Центар за образование на возрасни- Скопје заедно со директорот на ЈУ Центар за образование на возрасни-Скопје, Lindita Qazimi и директорот на Центар за доживотно учење- Скопје, Билјана Мојсовска  од 23.05.2016 до 27.05.2016 година, беа на студиска посета во Љубљана , Словенија.

Целта на посетата беше да се запознае системот за Валидација на неформално и информално образование на возрасните во Словенија, да се  посетат Институциите кои го имплементираат системот за Валидација, да се увидат предизвиците и проблемите на имплементаторите во пракса.

Институциите кои беа посетени: Андрагошки Центар на Словенија- Љубљана, ЗИК Чрномељ, Работничкиот универзитет Јесеница и Блед, Словенија.

Студиска посета во Франција

Со иницијатави на Коалиција на младински организации СЕГА и во согласност со Национална Стратегија за Мади на Република македонија 2016-2025, преку проект „Програма за децентрализирана соработка помеѓу регионот на Долна Нормандија од Франција и Република Македонија, беше организирана студиска посета се со цел Трансфер на добри пракси од примената на системот на вреднување на младинската работа во Франција.

Студиската посета беше фокусирана на состаноци со локални и регионални власти кои се задолжителни за следење и верификување на младинската работа, како и организации кои се сертифицирани за организирање и испорака на обуки за младиски работници.

Македонската делегација составена од:

Раметула Абдураими – Центар за образование на возрасните

Гордана Цекова – Агенција за млади и спорт

Зоран Илиески – Коалиција на младински организации СЕГА

Временскиот период на реализација на студиската посета беше од 17 – 21 април 2016г.

Свеченото доделување на сертификатите на 1000 градежни работници за енергетска ефикасност

Во рамките на ЕУ-иницијативата BUILD UP Skills (http://www.buildupskills.eu), која има за цел подобрување на квалификациите и вештините на европските градежни работници за постигнување на зголемена енергетска ефикасност на објекти, заврши спроведувањето на процесот на препознавање (верификација) на претходно знaење и вештини за енергетска ефикасност на градежните работници во Македонија за следните 5 занимања: фасадери, кровопокривачи, столари, инсталатери на греење, ладење и вентилација и инсталатери на електрични инсталации.

Иницијативата на Европската унија за градење на капацитетите на работниците во градежниот сектор беше со цел да се подготви и нашата земја во делот наквалификација и преквалификација на градежните работници, со акцент пријавување на кандидати кои поседуваат знаења и вештини стекнати со неформални обуки или работно искуство во градежни претпријатија. Токму поради тоа, во рамките на проектот „Обука на градежните работници за енергетска ефикасност“ – (BUILD UP Skills – Builders’ Energy Efficiency Training – BEET – http://beet.mk/mk/), заврши процесот на сертифицирани тренери и градежни работници, и со тоа се постигнаа целите од приоритетите  на ЕУ Стратегијата 2020 за спроведување на енергетската ефикасност во градежниот сектор.

Конзорциумот одговорен за имплементација на овој проект во Република Македонија е составен од: Стопанската комора на Македонија, како координатор на Проектот, Факултетот за електротехника и информациски технологии, ЈУ Центарот за образование за возрасни, Здружението на бизнис-консултанти „Креација“, Центарот за промоција на одржливи земјоделски практики и рурален развој – ЦеПроСАРД (Здружение на граѓани) и Факултетот за бизнис-економија од Скопје.

Свеченото доделување на сертификатите на 1000 градежни работници за енергетска ефикасност во 5 занимања, што ќе се одржи на 12 февруари 2016 година со почеток во 12:00 часот, во хотел Холидеј Инн Скопје.

Состанок со Г-ѓа Наташа Сивеска во просториите на ЦОВ

Во периодот од ноември 2012 до јуни 2013 година, околу 90 луѓе ќе бидат обучени, во шест различни места во Македонија  за стекнување на основни  вештини за писменост.

Различни групи на исклучени лица ќе бидат дел од овие програми за описменување( самохрани родители, младите во поправните домови и ромите).

textile

Во текот на првата недела од октомври, локалните тимови задолжени за  Пилот Програмите за описменување  работеа со експерти од ЕУ во Битола (СУМНАЛ), Прилеп (Мултикултурен Отворен Универзитет), Шуто Оризари( Ресурсен Центар на Ромите), Долнени (Општина Долнени),Велес(Воспитно поправен дом)и Топаана(СУМНАЛ).

Секој локален тим , составен од неколку обучувачи и координатор,  заедно со експерти од ЕУ го подготви методолошкиот пристап на обуката  како и документите што треба да се користат за време на обуката.

Втората недела од октомври, локалните тимови ќе учествуваат на обука за обучувачи во Скопје, со цел да ги усвојат педагошките материјали за образование на возрасните.

Информација за образование на возрасните во општина Чаир

Настан по поводот започнување со реализација на Програмата за образование на возрасни во Општина Чаир, кој ќе се одржи на 26-ти септември 2012 година во 12 00 часот, во просториите на СУГС Цветан Димов во Чаир.

Целта на оваа програма е да се оформи средното стручно образование во Општина Чаир, со што ќе се овозможи на учесниците од програмата да се стекнаат со одредена квалификација и со тоа да станат конкурентни на пазарот на трудот. Оваа праграма е продолжение на веќе започнатата иницијатива за дооформување на средно стручно образование, која во изминативе години се одвиваше во општина Арачиново.

На настанот ќе присустуваат директорката на Центарот за образовавие, г-ѓица Линдита Ќазими, градоначалникот на општина Чаир г-дин Изет Меџити, директорот на СУГС Цветан Димов г-дин Шаип Зенели и преставник од Министерство за образование и наука.

 

 

Пилот програми за описменување

Во периодот од ноември 2012 до јуни 2013 година, околу 90 луѓе ќе бидат обучени, во шест различни места во Македонија  за стекнување на основни  вештини за писменост.

Различни групи на исклучени лица ќе бидат дел од овие програми за описменување( самохрани родители, младите во поправните домови и ромите).

texti

Во текот на првата недела од октомври, локалните тимови задолжени за  Пилот Програмите за описменување  работеа со експерти од ЕУ во Битола (СУМНАЛ), Прилеп (Мултикултурен Отворен Универзитет), Шуто Оризари( Ресурсен Центар на Ромите), Долнени (Општина Долнени),Велес(Воспитно поправен дом)и Топаана(СУМНАЛ).

Секој локален тим , составен од неколку обучувачи и координатор,  заедно со експерти од ЕУ го подготви методолошкиот пристап на обуката  како и документите што треба да се користат за време на обуката.

Втората недела од октомври, локалните тимови ќе учествуваат на обука за обучувачи во Скопје, со цел да ги усвојат педагошките материјали за образование на возрасните.

Студиска посета во Мадрид, Шпанија

Во рамките на ИПА Твининг проектот се организираше студиска посета  во Шпанија, Мадрид во периодот од 22-27 Ноември 2012, на која учествуваа директорката на ЈУ Центар за образование на возрасни Г-ѓица Линдита Ќазими и дел од вработените во ЦОВ. Целта на студиската посета беше запознавање на шпанскиот систем за образование на возрасни преку посета на значајни институции и организации како што се:

-Министерство за образование (Запознавање со различните сектори и нивните активности)

-Центри за образование на возрасни (Системи на формално основно и средно образование за возрасни , обуки за вработување)

-Агенција за вработување (Создавање и одржување на Државниот регистар на провајдери на обуки )

-Приватен образовен центар за возрасни-Толедо (Валидација на програми и услуги од гледна точка на давателот на услуги)

-Ромскиот Секретаријат (Презентација на програми за социјална вклученост)

-Националниот институт за квалификација INCUAL (Проценка и официјална акредитација на професионални  квалификации)

– Генерален директорат за Насока/Советување и ВЕТ (Насоки на издавање на сертификати и дипломи)

Денови на доживотно учење – 31.10.2012 година

Центар за образование на возрасните во соработка со DVV Internacional во рамките на манифестацијата Денови на доживотно учење организира конференција под наслов – Пат кон подобра иднина. Поканети се претставници од Делегацијата на  Европската Унија во Македонија, Амбасадорот на СР. Германија во Македонија, Претставници од учење, Претставници од центарот за стручно образование од Црна Гора, претставник од Народниот универзитет Кам  СР. Германија, Министерството за образование и наука, Отворените граѓански универзитети за доживотно учење. Во рамките на оваа конференција ќе се оформат  три работилници:

1) “Признавање konfна неформалното образование на возрасни”, ЈУ Центар за образование на возрасни; Љиљана Гариќ, Центар за стручно образование, Подгорица, Црна Гора

2) “Финансирање на образованието на возрасни”, Винфрид Елвангер, Директор на Народен универзитет Кам, СР Германија
3) “Основно образование на возрасни”, Жан-Лук Селие, Постојан советник за твининг, ИПА Твининг проект “Поддршка за градење на капацитетите на Центарот за образование на возрасни, развој на програми за образование на возрасни и програми за описменување и дооформување на основното образование на исклучените лица”