qarr ch

Работен состанок во рамките на проектот Обрзование за вработување (Е4Е)

Во рамки на проектот Обрзование за вработување (Е4Е) , кој го спроведува Хелветас од Швајцарија  во соработка со Македонски центар за граѓанско образование и Стопанската комора на Македонија, во Центарот за образование на возрасни на 06.09.2018 година се одржа состанок со проектниот лидер  Курт Бутрих, Директорката на Центарот за образование на возрасни Линдита Ќазими, Аница Алексова (Е4Е), Ирена Милков и Халит Јонузи од ЦОВ. Во рамки на состанокот беше дискутирано за соработката помеѓу проектната единица и Центарот во делот на неформално образование: Понуда на неформално стручно образование соодветно на пазарната побарувачка, Воспоставени и подобрени механизми за инклузивно и достапно неформално образование, како и промоција на неформалното образование како клучно во доживотното учење и вработување.

image001

Клучните актери на системите за образование на возрасни од Македонија на студиска посета на Босна и Херцеговина

Во периодот помеѓу 7-ми и 11-ти Мај, ДВВ Интернационал во соработка со партнерските институции и организации во Босна и Херцеговина, беше домаќин на македонска група составена од претставници на институции и организации, а предводена од  Центарот за доживотно учење во Скопје.

Учесниците од Македонија беа претставници на ЈУ Центар за образование на возрасни, Националната Агенција за Европски Образовани Програми и Мобилност, Центарот за доживотно учење Скопје, како и претставници на Отворените Граѓански Универзитети за Доживотно Учење од Гостивар, Неготино, Скопје, Струмица и Тетово.

Оваа билатерална стручна размена беше организирана со цел  да им овозможи на различните чинители од образованието на возрасни од двете земји да разменат искуства, мислења, примери на добра пракса, како и да и продискутираат тековните проблеми и  предизвиците во образованието на возрасни и можните решенија.  Учесниците од Македонија, беа пречекани од претставници на институции и организации од различни нивоа во образованието на возрасни вклучувајќи ги и оние од микро ниво.

На 8-ми Мај, гостите од Македонија беа во примени на состанок со заменик Министерот за Средно Стручно Образование и Образование на Возрасни при Министерството за Образование, Наука и Млади на Кантонот Сараево, Г-ѓа Ламија Хушиќ, како и со претставници на: Јавната Установа Босански Културен Центар на Кантонот Сараево; Јавното Средно Училиште за Градежништво и Геодезија; Центарот за Бизнис Едукација Сараево.

Освен посетата на институциите во Кантонот Сараево, учесниците од Македонија ги посетија и организациите партнери на ДВВ Интернационал во Сребреница и Горажде. Членови на здружението САРА од Сребреница и Организацијата на жени ПРИРОДА од Братунац ги пречекаа гостите во Сребреница и им ја презентираа нивната работа, досегашната соработката со ДВВ Интернационал, како и плановите за идните активности.

Министерот за Образование, Млади, Наука, Култура и Спорт на Босанско Подринскиот кантон Горажде, Г-дин Дамир Жуга ги пречека гостите и заедно со Г-дин Амир Духовиќ, кој е контакт за образование на возрасни ја нагласија важноста на ваквите регионални размени во зацврстувањето на соработката во полето на образование на возрасни и севкупната соработка.

Гостите од Македонија посетија и две организации институции кои се лидери во образованието на возрасни во овој Кантон а тоа се Јавната Институција Средно Стручно Училиште Џемал Биједиќ  и Асоцијацијата АЛДА од Горажде.

Возвратна посета од страна на претставници од Босна и Херцеговина во Македонија ќе се организира во Септември оваа година, а домаќин на истата ќе биде Центарот за Доживотно Учење од Скопје.

portugal

Студиска посета во Лисабон,Португалија

Во рамки на активностите на Националните координатори за спроведување на Европската агенда за образование на возрасните, во периодот ноември 2017 – декември 2019 година, Центарот за образование на возрасните како национален координатор, го спроведува проект „Работен план на националниот координатор за учење на возрасните: Македонија“ (National Coordinator for Adult Learning Work Plan: Macedonia). Поконкретно, во рамките на проектот предвидено е да се реализираат следниве активности:

  • развивање на стандарди, портфолио за кандидатите за валидација на неформалното и информалното учење (ВНИУ), програми и материјали за советниците за валидација,
  • обука на 10 обучувачи на советници за ВНИУ
  • одржување на работилница за подигање на свеста кај 20 претставници на клучните партнери со цел нивно запознавање со главните принципи на ВНИУ и зајакнување на институционалната соработка,
  • надградба на базата на податоци со дел за валидацијата.

Во рамките на проектот  една од активностите за спроведување на проектот е студиски посети се со цел да се анализираат најдобрите пракси од земјите на ЕУ.

Директорот и дел од вработените на  Центарот за образование на возрасни, исто така ангажирани во спроведувањето на проектот реализираа студиска посета на 22-27.04.2018  во Лисабон, Португалија.

Во оваа посета се одржа неколку средби и тоа во: Citeforma(понудувачи на услуги за ВНИУ) со г-а.Susana Goncalves кординатор на центарот, Универзитетот Лусофона со г-а.Manuela Gomes Координатор на канцеларијата за прием, меѓународна,кариера и претприемништво,Национална агенција за квалификации и стручно образование со г-а.Maria João Alves.

eu-logo1

 

IMG-eaed275d1b7ed7f8b65b531d46e794d2-V

Градиме мостови во образованието на возрасни 2018 Биоград, Хрватска

Директоркта на ЈУ Центар за образование на возрасните – Скопје I делегација од Македонија во периодот од 17 до 20 април 2018 учествуваат на Меѓународна конференција Градиме мостови во образованието на возрасни 2018, која се одржува во Биоград, Хрватска. На конференцијата присуствуваат претставници од земјите во регионот,а целта на конференцијата е запознавање на состојбите на образованието на возрасни во секоја земја  учесник.

 

foto. (306)

Семинар во Тирана,Албанија

На 20-21 март 2018 година, во Тирана, Албанија се одржа заеднички семинар за валидација на неформално и информално учење (ВНИУ).

Семинарот беше организиран од Европската тренинг фондација (ЕТФ), со учество на претставници од Македонија, Албанија и Косово. Македонската делегација беше составена од претставници на Министерството за образование и  наука, Центарот за образование на возрасните и Центарот за стручно образование и обука.

Во рамките на семинарот беа изготвени нацрт верзија на подзаконските акти за ВНИУи нацрт на процесот за акредитација на провајдери на ВНИУ.

solun

Поддршка на развојот на системот за валидација на неформалното и информалното учење, преку обука на обучувачи за проценувачите

Во периодот од 11-ти до 15-ти декември 2017 година , во хотел Солун, Скопје се одржа настан кој имаше  за цел  поддршка на развојот на системот за валидација на неформалното и информалното учење, преку обука на обучувачи за проценувачите.

Настанот го отворија Директорката на ЈУ Центар за образование- Скопје,  Линдита Ќазими , Државната секретарка од  Министерство за образование и наука, Анета Трпевска и Едуарда  Кастел Бранко од Европската тренинг фондација.

Фокус на обуката беше третата фаза од ВНИЛ процесот, проценка, а во обуката беа вклучени учесници од:  Државен испитен центар, Министерство за образование и наука, Центар за стручно образование и обука, отворени граѓански универзитети, Сојуз на комори-Скопје, Занаетчиска комора Скопје, Центар за доживотно учење ,како и учесници од  ЈУ Центар за образование на возрасните –Скопје.

Обучувачи беа Ани Картунен и Огнен Спасовски.

Обуката беше со времетраење од пет работни денови и вклучуваше различни активности на учење прилагодени на целта, вклучувајќи практични вежби за проценка.  Учесниците се оспособија  да го разберат процесот на ВНИУ во целина и имаа можност да ги идентификуваат силните страни и слабостите, планирање корективни акции и акции за натамошен развој на различните фази во системот.

most

„Градиме мостови во образованието на возрасни“

На 25 октомври (среда) со почеток во 11 часот, по трет пат ќе се одржи конференцијата „Градиме мостови во образованието на возрасни“ во хотелот „Холидеј Ин“ во Скопје. Настанот е стручна конференција која се организира со цел да се состанат експертите кои работат во полето на образованието на возрасни во регионот на Југоисточна Европа.

На форумот ќе се соберат 120 експерти од Босна и Херцеговина, Хрватска, Косово, Македонија, Србија, Словенија и Црна Гора со цел размена на мислења, искуства и добри практики како и креирање заеднички пристап во решавањето на предизвиците и актуелните проблеми во полето на образованието на возрасните.

Во Република Македонија, согласно статистиките, само 3% од возрасното население (над возраст од 15 години) се вклучува во програми за образование. Процентите во земјите од ЕУ, се далеку повисоки.
Преку неформалното образование на возрасни, секој поединец може да се доусовршува, пре- и доквалификува и со тоа да ја зголемува својата конкурентност на пазарот на труд. Од друга страна пак, на пазарот на труд му е неопходна брза продукција на квалификуван кадар во согласност со тековните потреби. Образованието на возрасни во тој контекст е одлична алатка за градење на капацитетите на невработените и за нивно оспособување за влез на пазарот на труд и борба против невработеноста.

Домаќин на конференцијата ќе биде невладината организација „Центар за доживотно учење“ од Скопје во партнерство со Јавната Установа „Центар за образование на возрасните“ под покровителство на Министерството за образование и наука на Република Македонија, а ќе биде финансиски поддржана од ДВВ Интернационал од Бон со средства на Сојузното Министерство за економска соработка и развој на Сојузна Република Германија.

Во рамките на конференцијата заеднички ќе биде одбележана 20- годишнината од работата на ДВВ Интернационал во Република Македонија и придонесот што оваа организација го дава за развојот и унапредувањето на образованието на возрасните и младите во земјата.

Конференцијата „Градиме мостови во Образованието на возрасни 2017“, претставува еден од настаните со кој се одбележува и Годината на образование на возрасни во Европа.

488

„Јакнење на доживотното учење преку модернизација на системот на стручно образование и обука и образованието на возрасните”

На 26.09.2017 во просториите на ЈУ Центар за образование на возрасните се одржи состанок меѓу директорот на ЈУ ЦОВ г-а Lindita Qazimi,вработените на  ЦОВ и клучниот експерт за образование на возрасните г-а Mariana Matache,каде беа презентирани резултатите од проектот „Јакнење на доживотното учење преку модернизација на системот на стручно образование и обука и образованието на возрасните”

ЈУ Центар за образование на возрасните беше ангажирана за финализирање на неколку компоненти од проектот и тоа:

Компонента 2.2 – Градење на капацитетите на локалната самоуправа и спроведување на анализа за потребите на пазарот на трудот на локално ниво и обезбедување / спроведување на активностите во согласност со Законот за образование на возрасни-

Во рамки на компонента 2.2  е изготвена методологија за идентификување на општините и учесниците за вклучување во обука, развиени се насоки за спроведување на анализи на потребите на пазарот на трудот, проценка на потребата за обука за заинтересираните страни на локално ниво за потребите на ПТ,  реализирани три обуки  за градење на капацитетите на локалната самоуправа и тоа во Велес, Струмица и Струга, изготвен е прашалник за собирање на податоци за анализа на потребите на пазарот на трудот и во моментов се собираат информаци доставени од страна на Општините.

Во рамките на компонента 2.6-  по однос на работата на Отворените граѓански универзитети за доживотно учење е направена анализа за постоечиот закон за работата на Отворените работнички универзитети и е изготвено предлог Закон за измена на членови од Законот, реализирани се 7 работилници за подршка на рабтата ворените граѓански универзитети за доживотно учење, изготвена е Брошура  со програма за Отворените работнички универзитети, направена проценка за обука за вработените во ОГУДУ каде што се реализирани две обуки.

Во рамките на компонента 2.3, изработена е методологоја за развивање на програми за образованеи на возрасни, согласно потребите на пазарот на труд. Ревидирани се 5 веќе верификувани програми и изготвени се 10 нови програми. Во изминатиот период 9 од нив беа успешно пилотирани од сгтрана на понудувачите на услуги кои работеа на програмите.

Во рамките на на компонента 3.3 беа изготвени и два стратешки документи:

  • Стратегија за образование на возрасните 2016-2020 и
  • Стратегија за доживотно учење 2016-2020

Стратегија за образование на возрасните 2016-2020

Стратегијата за образование на возрасните 2016-2020 е во координација со Стратегијата за образованието 2017-2020, столбот за образование на возрасните.Генерално ги опфаќа истите приоритети и мерки, додека активностите се повеќе расчленети и детализирани.

Стратегијата за образование на возрасните произлегува од Законот за образование на возрасните, а ургентноста на ваква сеопфатна стратегија за возрасни доаѓа од потребата за хармонизирање на потребите на пазарот на трудот со образовната понуда, како и развивање на ефикасен и функционален модел на образование на возрасните чија цел би било ефикасно и ефективно реализирање на ваквите поставени цели.

Стратегија за доживотно учење 2017-2020

Преку проектот за прв пат во Македонија е изработена Стратегија за доживотно учење.

И оваа Стратегија да е во координација со Стратегијата за образование 2017-2020, како и со Стратегијата за образование на возрасни 2016-2020.

Фокус на оваа стратегија е учењето остварено надвор од формалното образование.

Доживотното учење претставува учење во текот на целиот живот, од рано детство до постара возраст, а се разбира како континуиран процес на флексибилни можности за учење, како и поврзување на знаењата и компетенциите барани во формалното образование со вештините стекнати преку  неформалното и информалното учење.

 

Izbori

Упатства за начинот на постапување за време на изборен процес

Упатство за начинот на постапување на министерствата,другите органи на државната управа и управните организации за време на изборниот процес Упатство за начинот на постапување

Упатство за користење на движни и недвижни ствари во државна сопственост за време на изборен процес Упатство за користење на движни и недвижни ствари во државна сопственост за време на изборен процес

IMG_20170912_100159

Промотивни настани за Еразмус+ проектот „Поддршка на креирање на политиките во образованието на возрасните“

Во ноември 2015 година Центарот за образование на возрасни, како Национален
координатор за имплементација на Европската агенда за образование на возрасните,
го имплементира Еразмус+ проектот „Поддршка на креирање на политиките во
образованието на возрасните“. Овој проект е во рамките на Акцијата на
националните координатори за имплементација на Европската агенда за образование
на возрасните. Како резултат на овој проект изработена e база на податоци
за понудувачите на услуги и програми за образование на
возрасните. Ваквата база ќе овозможи следење на образованието на возрасните и негова поголема достапност до крајните корисници. Во текот на септември ќе се одржат промотивни настани во: Скопје,Тетово, Гостивар, Штип, Струмица и Битола.